ຮູບແບບລັກສະນະເຮືອດຳນ້ຳ P-750B Serval ລຸ້ນໃໝ່ຂອງຣັດເຊຍ
ເມື່ອບໍ່ດົນຜ່ານມານີ້ເວບໄຊທ໌ ການທະຫານຂອງ ສ ຣັດເຊຍ ເປີດເຜີຍວ່າ: ພະແນກວິສະວະກຳທາງທະເລ Malakhit ຂອງຣັດເຊຍໄດ້
ນຳສະເໜີແບບຈຳລອງເຮືອດຳນໍ້າຂະໜາດນ້ອຍ P-750B Serval ທີ່ມີການປະກອບສ້າງທີທັນສະໄໝລ້ໍ້າໜ້າເມື່ອທຽບຮຸ່ນທີ່ຜ່ານມາ.
ໜຶ່ງໃນຂໍ້ໄດ້ປຽບທີ່ສຳຄັນຂອງຮູບແບບເຮືອດຳນ້ຳທີ່ບໍ່ມີນິວເຄລຍ ແລະ ໃນການນຳໃຊ້ລະບົບອາກາດ (propulsion) ທີ່ມີຄວາມເປັນ
ເອກະລາດ. ເຮັດໃຫ້ມີຄວາມສາມາດຢູ່ພື້ນນ້ຳໄດ້ດົນນານໂດຍບໍ່ຈຳເປັນຕ້ອງຂຶ້ນເທິງໜ້ານ້ຳ ແລະ ໃນການເຄື່ອນໄຫວຢູ່ພື້ນນ້ຳ, ສາມາດແລ່ນ
ໄດ້ 20 ກິໂລ ແມັດຕໍ່ຊົ່ວໂມງ. ເຮືອດຳນ້ຳ P-750B Serval ມີນ້ຳໜັກປະມານ 1.500 ໂຕນ, ມີຄວາມຍາວ 65 ແມັດ, ມີຄວາມສາມາດ
ດຳນ້ຳໄດ້ເລິກເຖິງ 300 ແມັດ ໄປໄດ້ໃນໄລຍະທາງໄກ ກວ່າ 7.000 ກິໂລແມັດ, ເຄື່ອນໄຫວເຮັດວຽກຕໍ່ເນື່ອງເປັນເວລາ 30 ວັນ. ມີລະບົບ
ເຮັດວຽກງານ ອັດຕະໂນມັດຫຼາຍຢ່າງເຮັດໃຫ້ມີ ການໃຊ້ລູກເຮືອໜ້ອຍລົງ ເຊິ່ງທັງໝົດມີລູກເຮືອພຽງ 20 ຄົນ. ເຮືອດຳນ້ຳດັ່ງກ່າວມີທໍ່ຕໍປິໂດ
ຍາວ 533 ມມ ຄືກັບເຮືອດຳນ້ຳອື່ນໆ.
ນອກນັ້ນຍັງໄດ້ຕິດຕັ້ງລູກສອນໄຟ, ເຄື່ອງກວດຈັບລະເບີດ. ດ້ານຫຼັງຍັງບັນຈຸລູກສອນໄຟນຳວິຖີ ຫຼື ຕ້ານກຳປັ່ນ 4 ລູກ ເພື່ອຊ່ວຍຍົກສູງ
ຄວາມສາມາດໃນການບຸກໂຈມຕີ ແລະ ປ້ອງກັນກຳປັ່ນຂອງຝ່າຍກົງກັນຂ້າມ.
ແຫຼ່ງທີ່ມາ: ໜັງສືພິມກອງທັບ
ວັນທີ 17/10/2023